ከመንግስትም ሆነ ከልማት አጋሮች የተገኙ የገንዘብ ሀብቶች ተገቢ አጠቃቀምን ማረጋገጥ!
የፋይናንስና ግዥ ዳይሬክቶሬት ዓላማ ከመንግስትም ሆነ ከልማት አጋሮች የተገኙ የፋይናንስ ሀብቶች ተገቢ አጠቃቀምን ከማረጋገጥ በተጨማሪ የሚኒስቴሩ የገንዘብ ገቢና ወጪዎች በሀገሪቱ የፋይናንስ ሕጎችና መመሪያዎች መሠረት መከናወናቸውን እንዲሁም የጤና ልማት አጋሮች መስፈርቶችን ማክበራቸውን ማረጋገጥ ነው። በተጨማሪም የእርዳታ ፈንድ በተጠቀሰው ጊዜ ውስጥ ለታለመበት ዓላማ መዋሉን ማረጋገጥ እንዲሁም በተሰጠው ጊዜ ውስጥ ሪፖርት ማድረግ፣ ለጤናው ዘርፍ ስኬት አስተዋጽኦ የሚያደርጉ ዕቃዎችና አገልግሎቶችን አቅርቦትና አስተዳደርን ማመቻቸት የዳይሬክቶሬቱ ዓላማ ነው።
የንብረት አስተዳደር እና ጠቅላላ አገልግሎት ዳይሬክቶሬት የተለያዩ ድጋፎችንና አገልግሎቶችን መምራትና ማሰተባበር ላይ ይሰራል። እነዚህ አገልግሎቶች በጤና አገልግሎት ዕቅዱ አፈፃፀም ላይ ቁልፍ ሚና የሚጫወቱ ሲሆን በሚኒስቴር መሥሪያ ቤት የምርትና አገልግሎት የድጋፍ ሥርዓትን ለማዘመን ጥረት እየተደረገ ነው።
በዚህ ረገድ የተቋሙ ንብረት መቶ በመቶ በEFMIS ሥርዓት ውስጥ ሲሆን የትራንስፖርት ማከፋፈያ ስርዓቱ በፍሊት አስተዳደር ስርዓት መሠረት መመራቱንና ለደንበኞቹ ደህንነቱ የተጠበቀና ቀልጣፋ አገልግሎት መስጠቱን በማረጋገጥ የተገናኘ ስርዓት የመተግበር ሰራ እየተሰራ ነው።
ዘመናዊ የንብረት አስተዳደርን በመተግበር የተቋሙን የንብረት አስተዳደር ለማዘመን ምርትና አገልግሎቶችን ማከናወን።
በንብረት አስተዳደር ሚኒስቴር አመራር በኩል የደንበኞቻችን ታማኝ ባለሙያ መሆን
